Jólahjálp 2025

Jólapakkin frá Soli Deo Gloria

-ein jólahjálp fyri fólk í Norðoyggjum

Vit í Soli Deo Gloria ynskja, at jólini hjá øllum skulu vera góð og gleðilig. Tað er høgtíðin, har vit minnast, at Jesus varð føddur og gav okkum vón.

Hesa vón vilja vit fegin birta, har tørvurin er størstur.

Við jólapakkanum vilja vit fegin veita jólahjálp til tey, sum ikki hava nóg mikið um jólini.

Vit lata eina góða mateskju til einstaklingar, og barnafamiljur fáa mateskju og gávukort.

Hvør kann søkja um jólapakkan?

1. Fólk, ið hava tað torført fíggjarliga.

2. Fólk, ið kenna onkran, ið hevur tað torført fíggjarliga.

Søkir tú vegna ein annan, skal ein teldupostur sendast á post@sdg.fo, har tú í stuttum greiður frá hvønn tú søkir fyri og hví viðkomandi tørva/r jólahjálp.

Allar umsøknir verða viðgjørdar í trúnaði.

Ert tú í iva um eitthvørt, ert tú vælkomin at ringja, tlf. 456514, 212084 ella 283690

Seinasta freist at søkja er

10. desembur 2025